細路開始返暑期班，臨返學嘅星期日有咩俾佢哋玩呢。 唔想揸車，因為又貴又搵唔到油。

老婆話，不如坐下火車。

兩個細路聽到坐火車，即刻好興奮。 對佢哋嚟講，坐火車已經係一個節目。

簡單行程｜20 分鐘的小旅行

其實行程好簡單。 由清邁坐一個站去 Lamphun。 全程大約二十分鐘。

冇冷氣車廂。 開窗吹風。 慢慢行。 又幾過癮，有種以前旅行嘅感覺。

南奔一站｜慢慢行就好

去到 Lamphun，我哋冇特別趕行程。 隨意行下，搵地方坐低休息。

中途入咗一間幾有意思嘅小店。 飲咖啡，食個 pizza，當休息。

原來呢間舖頭唔單止係 café。 店主自己有做音樂創作，仲出過唱片。 更加估唔到，作品仲攞過獎。

坐喺入面，一邊食，一邊聽住佢哋自己嘅音樂。 氣氛好舒服，唔嘈，幾有個性。

輕鬆成本｜一百蚊內的親子日

火車票價只係每位每程 11 泰銖， 大嗰一件細路半價，細嗰個免費。

成家人來回加埋都唔使一百泰銖。

小總結｜換個方式出門

唔想嘥油，呢種玩法，輕鬆又慳錢。

有時唔需要特登安排大行程。 簡單轉個方式出門，已經係一日好好嘅親子時間。